mandag 5. desember 2011

Vinter

Endeleg ser det ut som vinter ute. Eg sit inne med ein liten feber og pensum, med ferskente i koppen og klementiner i magen.


Dette er utsikten frå stovevindauget vårt. Fint, sant?

No skal eg lese meir om historiedidaktikk. Ha ein nydeleg vinterdag!

onsdag 30. november 2011

Heime!

No er me endeleg heime igjen i Heien 25! Det er så deilig, og i tillegg har me fått verdas beste dusj! Og badet er så fint, og me har valgt heilt sjølv korleis det skal sjå ut. Og neste veke kjem pappa til Bergen med nytt kjøken! Åh, eg gler meg!


Vår sofa er tusen gonger betre enn hotellsofaen, og eg gler meg heilt sjukt til å sove i mi eige seng igjen, for det er verdas beste seng!

Eg vil ta bilete av leiligheten når den ikkje ser bomba ut lenger, det er litt kassar og ting enno. 

fredag 25. november 2011

Gåveidéar frå Etsy

No er det snart jul, og om ein vil handle julegåver på nettet bør ein for all del byrje no! Eg hadde lagd ei såkalla Treasure List i Etsy, men dei får me ikkje dela, så då måtte eg gjere om favorittane mine til tips! (Og dei er jo forsåvidt favorittar desse tinga og).



Masse, masse fint på Etsy! Eg kan sitje i timesvis, og trur eg har funne nokon godbitar til diverse medlem av familien ;)

Håpar det var til litt inspirasjon til andre en berre meg =). 

God helg, eg skal heim ein tur og ete god mat med familien!

torsdag 24. november 2011

Stop motion

No må eg berre dele denne med dykk! Ein stop motionfilm lagd av 288.000 jellybeans! Sangen er ikkje heilt det store, men dama er sør og videoen er fantastisk!



Og her er korleis dei lagde den. Fascinerande!



Og forresten. Eg har fått meg Wordfeud og er totalt hekta. Legg meg til! karinfransisca (så klart ;))

onsdag 23. november 2011

Hubble

Dette er skrivebordsbakgrunnen min for tida.


Tenk så uendeleg stort universet er! Når eg var lita vekk eg vondt i hovudet over å fundera på kor liten eg var i forhold til resten av.. alt!



Alle bileta er frå hubblesite.org

torsdag 10. november 2011

iPhone oppdatering

Blogging ja. Var veldig flink ei stund, så fekk eg ikkje kommentarar og då forsvinn motivasjonen (sorry altså, men det er sant). Men så kjem lysten tilbake og eg gir dykk ein liten iPhone oppdatering!

Bileta er tatt med instagram, legg meg til då vel, karinfransisca is the name!




Veronica Maggio konsert med Tor på Ole Bull Scene. Fin konsert, overraskande mange 45+ der.








Akvariet med Helene og mamma. Dei har fått seg haitunell, skummelt! Og krokodillar, apekattar, pingvinar, selar og andre fiskar, så klart.


Okidéen som eg har fått til å leve igjen (kven sa eg ikkje hadde grøne fingrar?) og Säkert! konsert på Kvarteret. Veldig fine svenske (igjen) folk! 

HURRA! Fine Ine fiksa bloggen! yay! 

torsdag 27. oktober 2011

Siste BIFF-restane

I går såg eg min siste BIFF-film for i år. Dette var min femte BIFF! Eg har altså byrja på mitt femte år i Bergen, og det er litt crazy å tenkje på!

Uansett, her er ein liten gjennomgong av dei tre siste filmane eg såg på BIFF:

The Guard


Den irske landsbygda utanfor "storbyen" Limerick. Srg. Gerry Boyle (Gleeson, som og splar Madeye i Harry Potter, red.anm) får hendene fulle når FBI agenten Wendell Everett (Cheadle) dukker opp i samanheng med ein stor internasjonal narkosak. Boyle på si side har eit avslappa forhold til lov og rett, og tøyer grensene litt meir enn politimenn me ser i dei fleste filmar.

Eg såg The Guard med Tor, pappa, Marianne, Luna og ein kompis av Luna, og den falt i smak hjå alle! Den er FANTASTISK! Eg lo så eg grein visse stader i filmen, og når eg kikka over på Tor og pappa satt begge to og lo like mykje. Denne filmen kjem på norske kinoar, og då veit de kva de må gjere. Dykk må SJÅ DENNE!

Hot Coffee



Hot Coffee er ein HBO Dokumentar om USA sitt rettssystem. Eksempel-saken som blir brukt i byrjinga av filmen er om ei 80 år gammal dame som saksøker McDonalds fordi ho brente seg på kaffien deira. Høyrest kanskje banalt ut, men når ein ser bileta frå brannsåra ho fekk frå kaffien, så er det tydeleg at kaffien var for varm. Uansett, rettssystemet til USA er i byrjinga av å bli like styrt av store selskap som det resten av checks and balances er. Og det er det denne filmen tek opp, ikkje saker der feite folk saksøker McDonalds fordi dei vart tjukke av maten deira.

Filmen er.. OK. Den er interessant, men ekstremt saktegåande. Om ein har ein særinteresse for eller held på med utdanning innan juss er nok denne filmen meir for deg enn den var for meg.

Darwin

Darwin, California. Pop. 35. Ein liten, liten by i ørkenen i Death Valley, California. Fråflytta for lengst, utanom 35 herda innbyggjarar. Det som starta som ein gruveby er no heimen til 35 heilt spesielle individ. Nokon har budd der i 50 år, nokon 1 år, men alle har til felles at dei trengde å kome til ein stad der ingen dømde dei på fortida si. 

Darwin er ein fin film, men den er, som Hot Coffee, litt saktegånde. Menneska er kjempeinteressante, men filmen legg seg sjølv opp til å bli litt keisam med lange stillestånade scener med berre natur og falleferdige hus. Men den er ikkje så, lang, og er på ingen måte dårleg. Berre litt treig. 

Sånn. Det er filmane eg har sett på BIFF i år. Det er ein del til eg hadde lyst til å sjå, men ikkje fekk tid til, men eg fekk i alle fall med meg litt. Når eg går på BIFF så liker eg best å sjå dokumentarar, men fekk med meg eit par spelefilmar og, som eit slags pust i bakken. Gler meg til neste år! 

Bileta er linka

lørdag 22. oktober 2011

BIFF Oppdatering

No har eg sett seks filmar på BIFF. Onsdag såg eg Kon Tiki og How to die in Oregon. No kjem ein liten oppdatering på dei andre filmane eg har sett.

Fire in Babylon


Fire in Babylon handlar om det Vestindiske cricketlaget på 70- og 80-talet. Vestindia består av masse små land i Karibien som eigentleg ikkje har så mykkje med kvarandre å gjere, untatt at dei har eit felles cricketlag. Etter ein ydmykande kamp mot Australia bestemmer kapteinen på laget at no skal dei bli gode. Og det blir dei. Vestindia sitt cricketlag er det lengst regjerande laget i nokon sport. Ever. I 15 år var det ingen som slo dei.

Eg veit framleis ikkje korleis cricket fungerer, men eg veit at denne filmen fekk meg til å le hjarteleg mange gonger!

A matter of taste


I 2001 vart den britiske kokken Paul Liebrandt den yngste nokon sinne (24) til å få tre stjerner av The New York Times sin matjournalist. Filmen følger Paul gjennom ups and downs i hans jakt på å finne den perfekte restauranten, der han kan lage mat han brenn skikkelig for.

Eg elska denne filmen. Paul er morosam og engasjerande, og ein føler ein får eit personleg forhold til han gjennom filmen. Til min store overrasking var Paul i salen under filmen, og hadde Q&A (questions and ansvers) etter filmen var ferdig! Han har til dags dato to Michelin stjerner, og røpte at han håpa på tre til neste år. Eg fekk skikkelig lyst til å besøke restauranten til Paul i New York, Corton.

The Interrupters




Chicago. Ein storby i USA med skyhøg kriminalitet og daglege mord og shootouts. Tidlegare kriminelle i gruppa Ceasefire er såkalla Violence interrupters. Dei går fysisk inn i konfrontasjonar mellom grupper for å unngå fleire dødsfall. Dei prater ungdom ut av å ta hevn for at nokon såg på dei rart eller kalla dei bitch.

Dei er heltar i eit samfunn som er "off the grid". The Interrupters er ein engasjerande dokumentar om nokon som jobbar hardt for at samfunnet dei bur i skal bli betre. Ameena Matthews er den ein ser mest til av interrupterane, og ja, du gjetta det, ho var i salen! Ho er så engasjert for det ho driv med at ho berre fekk tid til å svare på eit spørsmål. Ei kanondame, som det heilt klart skulle vore fleire av!

Turkey Bowl




Dette er ein kort komedie med berre ei scene (pretty much). Ein venegjeng kjem saman kvart år i det dei kallar "Turkey Bowl". Dei speler ein amerikansk fotballkamp for så at vinnane får ein kalkun i premie. Filmen varar forholdsvis same lengd som sjølve kampen, og ein får innsyn i dynamikken i gruppa og dei forskjellige karakterane sine personligheter. Den er lett og morosam å sjå, og sjølv om den ikkje er heilt ekstremt fantastisk, så er det en fin film å sjå =)

Det var dei eg har sett til no, i morgon skal eg sjå The Guard  og på måndag skal eg sjå Hot Coffee!

torsdag 20. oktober 2011

How to die in Oregon

Eg såg to filmar på BIFF i går. Den fyrste var klassikeren Kon Tiki av Thor Heyerdal. Har ikkje sett den før, så det var kjekt. Den andre filmen var How to die in Oregon av Peter D. Richardson. Det er den mest rørande og sterke dokumentaren eg har sett i mitt liv.

I 1994 vart Death with Dignity Act valgt fram i delstaten Oregon i USA. Med den kan ein terminalt sjuk få medisinar til å ende sitt eige liv. For å få medisinane må to legar erklera at ein har mindre enn 6 månadar igjen å leve, og at ein er fysisk og psykisk tilstede til å ta medisinen sjølv. Filmen følger personar i forskjellige stadier i prosessen med å ta eller kjøpe medisinen. Den personen ein følger lengst er Cody. Ho har kreft i leveren, og me bryjar å følge ho etter at ho har kjøpt medisinen og heilt til siste slutt.

How to die in Oregon er så sterk at ein sit igjen med tusen inntrykk. Mi personlege meining om assistert "sjølvmord" er ikkje forandra etter å ha sett den, tvert imot. Men filmen viser ikkje berre den sida som er for lova, men og saker som viser motsatt side.

Eg anbefaler den virkelig, og håper at dei som kan får sett den. Den går kl 15.45 i dag og klokka 11.30 i morgon. Billettar er berre å få kjøpt i skranken på Bergen Kino, og er fjerna frå nettsidene til både BIFF og Bergen Kino, grunnar ein berre kan tenkje seg til sjølv.

Igjen, sjå den!

 Cody, ektemannen og legen hennar på det siste legebesøket. 

Bileta er frå filmen si Facebookside. 

mandag 17. oktober 2011

Glede

Eg gler meg til:

♥ BIFF! Bergen Internasjonale Filmfestival byrjar på onsdag, og varer i ei veke. Eg har fyllt 600 kr på BIFF-kortet mitt, og har valgt meg ut eit knippe filmar eg vil sjå. Kjem til å lage ei liste over favorittane etter kvart som eg har sett dei.

♥ Å bli ferdig med utkastet av bakrunnskapittelet mitt i masteren, må sende utkastet på mail til seminarleiar torsdag 27. oktober, altså litt over ei veke til. Har ein del til å skrive, men det kjem seg nok.

♥ Veronica Maggio konsert på Logen på torsdag 27. oktober (litt av ein motivasjon for kapittelskriving, altså)!

♥ Den nye plata til Marit Larsen!

Og så kjem november, og så desember med jul og hurra!

lørdag 15. oktober 2011

Anne

I går var eg, Luna og litlesyster Helene på studentteateret Immaturus si oppsetjing av "Anne Franks Dagbok".

Eg likte stykket godt, særs det at dagboka var personifisert og fungerte som ei forlenging av tankane og kjenslene til Anne. Scenografien var enkel, men vakker, og det at publikum sit på pallar som omringer scena er ein kjempefin effekt og lagar ei veldig intim kjensle.

Eg las boka for mange, mange år sida, og veit kva som skjer, men det visste ikkje litlesyster, og ho forstod ikkje heilt kva som skjedde i slutten. Så det er ikkje heilt lagt opp for dei som ikkje kjenner så godt til historia frå før. Men det kan ein jo heller ikkje regne med, dei fleste veit jo korleis "Anne Franks Dagbok" ender.

Skal eg pirke så er eg ikkje superfan av kunstneriske innslag av dans og kollektive bevegelsar generelt i teateroppsettingar. Men det er berre min personlege smak, for stykket var bra! Siste oppsetjing er diverre i dag, men om du befinn deg i Bergen utan noko å gjere i kveld, så sjekk det ut!

torsdag 13. oktober 2011

Cute Overload!

Åh åh åååååhhh!! (Sjå heile, det beste er i slutten).



Går det AN å bli søtare?

tirsdag 11. oktober 2011

Teagarden

Dei siste vekene har eg blitt sugd inn i verda til Charlaine Harris nok ein gong. Ho er dama bak "Southern Vampire Mysteries" (True Blood bøkene) og no er eg hekta igjen. På "The Aurora Teagarden Mysteries". Handlingen ligg i ein småby i utkanten av Atlanta i delstaten Georgia ein gong på slutten av den 20 århundre (noko konkret årstall vart ikkje oppgitt, datamaskinar finst, men er ikkje vanlege, og folk har ikkje mobiltelefonar). Aurora Teagarden er ein biblotikar med ein sans for å løyse mysterier, noko ho som regel ender opp i ufrivillig.

Bøkene til Harris er alltid ekstremt fengande og spanande. Min guilty pleasure her i livet er spanande chic-lit, altså ikkje berre kjærleik og kliss, men litt spenning i tillegg. I Sookie Stackhouse-bøkene er Harris ganske drøy på forteljingane frå under lakenet, men frk. Teagarden er litt eldre og ein smule meir southern lady enn det Sookie er.

         
Bileta er linka

Det fine med "The Aurora Teagarden Mysteries" er at dei berre er å få kjøpt i såkalla "Omnibus" her i Noreg, altså fleire bøker samla i ei bok. Omnibus 1 leste eg ut sist veke, og i dag kjøpte eg nr 2. Eg gler meg til å lese meir av kva Aurora ramlar borti. Boka skal vere ei belønning til meg sjølv for godt arbeid på skulen, har eg ikkje jobba godt på skulen den dagen, får eg ikkje lese i boka. Det gjeld å presse seg sjølv!

Nakketak

Nok ein gong skal eg bli ambisiøs i forhold til bloggen og prøve å blogge meir enn det eg har gjort i det siste. Eg vil gjere bloggen om til noko som er kjekt, i staden for noko som er eit ork og som "må gjerast". Bloggen skal bli gulerota i masterskrivinga, for eg kjenner eg vart fort dradd mot facebook, twitter og andre fristande internettstader, og masteroppgåva forsvinn i bakgrunnen.

Eg vil bruke bloggen til meir enn det eg har gjort. Små, korte oppdateringar om dei forholdsvis uinteressante tinga som skjer i livet mitt er OK nok, men eg vil noko meir. Noko kreativt. Derfor vil eg at kvart innlegg skal vere noko. Eg dreg inspirasjon frå andre bloggar som er flinke til å blogge, sjølv om det berre betyr ein inspirerande video, eit dikt eller ein fint bilete.

Eg vil klare det denne gongen.


For tenk på alle dei minutta, timane, dagane eg ikkje gjer anna enn å sløse vekk tid. Nei, no skal eg få noko til. 

Dette innlegget er ikkje berre til informasjon til dykk, lesarane. Men eit løfte til meg sjølv om at no skal eg klare det. Eg har tida, eg har masse tid, eg bruker den berre ikkje fornuftig. Eit nakketak på meg sjølv må til.

Og no må eg sove, for klokka er over 1, og eg byrjar eit nytt og bedre liv i morgon.

fredag 30. september 2011

Flytta

På tysdag flytta me. Igjen. Det vart ikkje noko bilete av leiligheten før den vart bygningsplass, me får ta det når den er pussa opp. Til nyåret.

Me bur på InCity Hotel & Apartments midt i smørauget i Bergen sentrum. Dette såg eg ut vindauget for litt sidan:


Hotel Norge, Dickens, Logehaven og Logen. 

Det er litt bråkete akkurat no, men har sin sjarm. Det er dønn stille på soverommet, med unntak av når vaskedamene startar arbeidsdagen sin kl 7. 

Eg gruer meg til å reise opp til leiligheten for å kikke på kva som har skjedd. Men må vel bite i det sure eplet ein eller annan gong. 

Ha ein fin fredagskveld vidare, eg skal jobbe i morgon og hopp tidleg i seng!

fredag 16. september 2011

Fint!

Mi fine venninne Ingrid har starta butikk på Epla! Ho lagar dei finaste, finaste sløyfeøyredobbane du kan tenkje deg, og eg har sjølvsagt allereiie fått meg eit par, berre sjå:


Sløyfe & co heiter butikken hennar, og til no har ho tre par til salgs, men fleire kjem, og alle er fine!


Så no er det berre å handle, eg kjenner på meg at desse kjem til å gå fort ;)

Og så litt personleg info til slutt. I går morges sprakk sikkerhetsventilen på varmtvannstaken i leiligheta over oss. Han som bur der var sjølvsagt ikkje heime, så i ein time regna det inn vatn på badet vårt og ut over soverommet. Heile badet må renoveras, og gulvet på soverommet på rivast opp. Skikkelig bra start på dagen. Så no står det ein svær lufttørrar på badet som bråkar. Og me må bu på hotell i to mnd mens leiligheten fiksast =( Men eg skal prøve å ta bilete fordet, sjølv om leiligheta på langt nær er slik me vil ha den, særs no! Forhåpentlig vis får eg gjort det over helga =)

Ha ein fin fredag!

onsdag 7. september 2011

Sorry

Eg beklagar for lite oppdateringar, men livet uten internett er travlare enn eg hadde tenkt. Skule, jobb og leilighetsordning tek all tida mi! Men på fredag kjem internettmannen, så gle dykk (spesielt den følgaren som hoppa av for nokre dagar sidan, I miss you!)!

Som ei lita oppdatering kan eg sei at eg klyppte meg i dag! Hurra, eg er kjempenøgd!

Og ja, eg sit på biblioteket. Var og gjorde min borgarplikt og stemde i valet, så då kunne eg like så godt sette meg ned her og lese bloggar (over hundre, igjen) og oppdatere meg på verda. 

Snart skal dykk få sjå leiligheten, lovar! 

Og PS, Line Aurora har ein konkurranse på gong, men ikkje gidd ver med, for då minskar du sjangsen min til å vinne. 

mandag 29. august 2011

Internettlaus!

Hei
Dette vart kort, for eg er på skulen og skal snart ha seminar. No har eg lest alle bloglovin' innlegga som låg og venta på meg. Og det var mange:

Er framleis i flyttemodus, men skal få til å ta litt bilete til anten i morgon eller onsdag! Me har ennå ikkje satt opp klesskapet, så leiligheten flyt over med klær. Eg gler meg til me har fått alt i orden, hatar å bu i eit flyttelass. Og me får ikkje internett før den 9.9. Jaja, me ser masse film.

Blogg mykje, folkens, slik at eg har noko å oppdatere meg på. Legg igjen eit lite spor om du vil at eg skal lese din blogg, the more the merryer!

God måndag!

søndag 14. august 2011

Sint

Ting som gjer meg sint:

- Å finne ut at ein er tom for dopapir når ein sit på do.
- Folk utan intimgrenser på offentleg transport
- Å ikkje ha pengar
- Den der pipelyden ein ikkje veit kor kjem frå
- Å gå gjennom horder av fulle, ekle folk som tek på deg når du går forbi.
- Folk som kjefter på ungane sine i full offentlighet, for smålege ting som at dei ikkje sit i ro på stolen, eller at dei seier dei må tisse.
- Og sist, men ikkje minst, folk som avtaler å kome på visning, men ikkje dukker opp! Eg meiner, kvar er folkeskikken?!



Sorry, veit dette er ein gladblogg, men samtlige av desse tinga skjedde meg i dag, og eg må få eit utløp ein stad. Som ein positiv anekdote kan eg nemne at eg hadde ein kjempekjekk kveld hjå Ingrid og Andreas (mykje av dei i det siste, merker eg), med pizza, film, raudvin og Monopol i kortversjonen.

I morgon kjem mamma, mormor, morfar og Marianne til byn! Hurra! =)


torsdag 11. august 2011

Bloggen 7 år!

Hei!
Eg har fått ein del nye lesarar i det siste (HURRA!) så eg tenkte eg kunne ta og presentere meg litt. Eg heiter Karin, bur i Bergen saman med Mr.Twist (også kjent som Tor) og så studerer eg historie på masternivå ved Universitetet i Bergen.

Eg er 23 år, og har bursdag i juni, noko som passar meg ypperleg, sidan juni er den finaste månaden i året. Eg har to systre, Marianne på 20 år og Helene på 13. Marianne har tatt vet til seg og flytta til Bergen ho og, mens resten bur heime på Bryne i Rogaland.

Eg er veldig glad i kattar, turkis og mosegrønt, bøker, matlaging, loppemarknadar, grilling i parken, kyssing, reising og så klart shopping, eg er no jente, er eg ikkje?

Eg har blogga i 7 år no! Det er 7 år sidan eg oppretta denne bloggen i eit keisamt augeblikk i fyrste klasse på vidaregåande. Ein unge som vart fødd den dagen eg byrja blogge skal nå starte sitt andre år på barneskulen, og det vart eg svimmel av å tenkje på, og eg føler meg gammal som følger.

Og frå no av skal eg blogge skikkelig og ofte. Eg skal ta meg i nakken, eg lovar!

Nyt dagen i dag, og feir bloggen sin bursdag med måte ;) Litt sånn som på biletet under, hihi!


onsdag 10. august 2011

Hurra!

Dette har skjedd i dag:
Her skal eg og Tor bu framover! (trykk på bilete for annonsen)

Så frå eg fekk beskjeden om at budet var godtatt og til eg sit heime i sofaen no har vore veldig, veldig kjekt! Møtte Tor i byn etter jobb, me hadde ein betre middag på Zupperia (den i Vaskerelven) og så gjekk me på kino med dei to finingane for forrige innlegg, Ingrid og Andreas.

For ein fin, fin dag!

Fine


Desse to er nokon av dei finaste menneska eg kjenner. Eg er glad i dykk, Andreas og Ingrid!




mandag 8. august 2011

Noob

Eg er noob i ebay. Meldte meg inn i dag fordi eg skulle kjøpe parykkar til Sam og Kaja sitt kombinerte bursdagsselskap/innflyttningsfest neste helg. Skal så klart ikkje avsløre kva me skal gå som, men her er beviset i min ubrukelighet på ebay.

"Kjøpte" to av den same, eg! KUDOS for den andre selgaren for superrask shipping og slik! WOW!

Eg gler meg!

søndag 7. august 2011

Ynskje

Når me skal flytte (og det skal me snart!) så vil eg ha katt. Ein tjukkpelsa katt som ligg og mal på ein plass han ikkje har lov til å sove, men gjer det likevel. Som er ute på eventyr og når han vil inn igjen så skitnar han til vindauga med labbane. Som ser litt tjukk ut på grunn av pelsen, og som klatrar i trær fordi fuglen han jaga fløy opp dit. Eg er kanskje "litt" kattegal, men no når det ikkje er nokon Kappeline heime på Bryne lengre, saknar eg litt kattekos.


Desse kattebileta har eg lånt av Tine Katrine, ei nydeleg jente med eit talent for fotografi! Bloggen hennar har eg lest ei god stund, og anbefalar den!

IMG_5696

Ein tjukkpelsa, spraglete katt, DET ynskjer eg meg!

onsdag 3. august 2011

Spanande tider

Det er spanande tider i vente. Me er på leilighetsjakt, og denne gongen skal me kjøpe! No krysser me fingrar og tær på at dette går bra. Eg hatar å flytte, men elskar å flytte inn (om det gjer noko meining). Og når det er vårt, så kan me gjere slik me vil. Henge opp ting på veggane, for eksempel.

Og så gler eg meg faktisk til å kome i gong med skulearbeidet igjen, saknar å vere der, utruleg nok!

Ah, no drøymer eg meg vekk på IKEA og alle andre stader der ein får kjøpt seg fine ting til heimen. Når Tor skal til London i september skal eg sende med ei handleliste på Antropologie. Fint fint fint! Her kjem eit lide bildebonanza!


Heilt SJUKT fine knottar til skuffer og liknande frå Anthropologie

Ringskål og egg-behaldar, og frå Anthropologie.

 Møkkafine skåler, sjølvsagt og frå Anthropologie.

Er det nokre skåler eg absolutt ikkje kan få nok av, så er det slike som dette. At Anthropologie har dei i favorittfargane mine er heller ikkje feil. 
Teppe og sofa. Elsker Karlstad-sofaen frå IKEA.
Seng, og frå IKEA. Ikkje sikker på om eg vil ha smijernsseng, men dei er skikkelig fine!
Eg gler meg!