Ei lita oppdatering om kvardagen

Livet er for tida ganske trasig. Jobbar så og sei kvar dag, og når eg er heime frå jobb vil eg ikkje anna enn å slappa av med ei bok. No har eg lese heile Sookie Stackhouse-serien, og ventar på bok 11. Likar du fjernsynsserien, vil du ELSKE bøkene. Hvis nokon vil diskutere dei med meg er det bare å rope ut. Team Eric, hehe ;)

Ellers kan det nevnast at eg i går, 28. juli, blei "tante" til ein nydeleg liten gut! Eg gratulerar Erik og Veronica med den litle prinsen, og eg gler meg mykje til å se han og bli kjend med han! Eg og Tor stiller gladleg opp som barnevakt når det trengs!

I dag søkte eg på ny jobb i Bergen, og kryssar fingrane for at eg i alle fall blir ringt inn for eit intervju. Å bu som student i Bergen er dyre greier, og ein deltidsjobb kjem godt med.

Neste sundag fer eg, Tor og litlesyster Marianne opp til Bergen. Ho skal gå årsstudium i naturfag, og eg gler meg til å ha ho i samme by. Ho skal bu hos oss fram til ho finn seg eit rede for seg sjølv. (Og PS, me har bil til rådigheit, så om du treng flyttehjelp eller ein IKEA-tur er me ikkje vonde om å be).

Då trur eg at eg har fått letta på hjartet nok for i dag. No skal eg nyte resten av fridagen min!

Hihi, pusekatt!

I går

I går gret eg på jobb. Ikkje fordi nokon var stygge mot meg, truga meg eller slike ting (dog, det skjer av og til), men fordi eg er eit menneske. Er er eit medmenneske, som når eg ser verkeleg tru og ekta sorg får ei bølge av medkjensle over meg. Mannen i går tenkjer eg at har tenkt ei stund på det han ei gong måtte gjere. Og tysdags morgon med få andre kundar i butikken var vel ein god nok dag til slik. Eg merka ikkje noko før eg såg kva som stod på rekninga han skulle betala, og kva han skulle betala det med.

Eg trur ikkje han er ein mann som gret ofre. Men eg trur han elska ho so høgt, at å gjere denne siste, heilt heilt siste, tingen for ho var for mykje. Sorga tok over kroppen hans. Eg klarte å halde meg, skjølv om alt eg ville gjere var å gje han ein klem, og seie "det går bra etter kvart. Med tid". Men eg veit jo ikkje om det går bra. Og eg håpar at eg slepp å gjere noko slikt i det heile, sjølv om det er veldeg egoistisk og teit å ynskje seg noko slikt.

Då han gjekk ut døra sprang eg inn på badet. Medmennesket i meg tok over, og eg gret for han, og for ho han mista som han saknar så inderleg.

Hvis eg ser han igjen, skal eg smila, og seie med augo mine at "eg tenkjer på deg".

 Kjelde

Frå no av

Eg skal prøve meg på noko eg ikkje har gjort sidan vidaregåande. Eg skal skrive på nynorsk. Ein kan vel trygt seie at mitt forhald til nynorsk har vore turbulent, men eg har i den siste tida fått sansen for dette, faktisk, nydelege skriftspråket. Så vær snille og ikkje korsfest meg på grunn av diverse skrivefeil som kjem opp, eg øver meg.

Sant skal seiast at blogging har varte nedprioritert sidan eg kom heim frå USA. Eg jobbar stort sett kvar dag, og når eg då kjem heim er eg så trøytt i hovudet at eg berre vil lese og slappa av. Men i dag hadde eg 9 til 17 vakta, og då følar eg at ein får meir ut av dagen.

I morgon begyn ei helg med kos og sommar, venninner, bading, eting og drikking. Eg og min "harde kjerne" skal ta ein tur til hyttå til familien min. Den ligg i Sokndal kommune, mellom, for dei lokalkjende, Jøssingfjorden og Åna Sira. Ei nydeleg lita perle, og som eg er vaksen opp med. Me håpar på sol og sommarver, slik at helga blir optimal!

Eg sett utruleg mykje pris på alle kommentarar eg får, til og med no når eg har vore så dårleg på å oppdatera! Eg lovar å bli betre :)

Til slutt vil eg dela denne songen med dykk!



Michael Franti - Everyone deserves music

Eg vel å ikkje ta vekk sjølve videoen, då eg tykkjer den er ganske så fin!

God sommar! :D